ЕУРОПАЛЫҚ ОДАҚ ЖӘНЕ ОРТАЛЫҚ АЗИЯ: КЕҢЕЙТІЛГЕН ЫНТЫМАҚТАСТЫҚТЫҢ ЖАҢА МҮМКІНШІЛІКТЕРІ

Аңдатпа

Мақалада Еуропалық одақтың қазіргі кезеңдегі Орталық Азия аймағы үшін тұрақты және перспективалы серіктес ретіндегі рөлі қарастырылады. Халықаралық аренадағы жаһандық өзгерістерді, сондай-ақ аймақ елдерінің ЕО-мен қатынастарындағы басымдықтарын ескере отырып, 2019 жылғы маусымда қабылданған Еуроодақ пен Орталық Азия арасындағы қатынастардың жаңа стратегиясы осының дәлелі болып табылады. ЕО-ның Орталық Азия елдеріне қатысты жаңартылған саясаты оған қазіргі ынтымақтастықты нығайтуға және неғұрлым өнімді жобаларға назар аударуға, ең бастысы, өзара іс-қимылдың неғұрлым сапалы форматына шығу мақсатында өзара іс-қимылдың тәсілдері мен аспектілерін түрлендіруге мүмкіндік береді деп күтілуде. Бұл жұмыстың өзектілігі Еуропалық Одақтың Орталық Азия елдеріне қатысты саясатының негізгі бағыттары мен құралдарын жан-жақты зерттеу қажеттілігімен байланысты. Сонымен бірге жұмыстың басты міндеті - ЕО-ның Орталық Азияға арналған жаңа стратегиясын іске асыру мүмкіншіліктері мен келешегін анықтау.